الرئيسية
ااحــم ااحــم..
مـن راح بكيفـه وكيفـه يوديـه
ومن جاء على كيفـه وكيفـه يجيبـه
بيتـن سمعتـه واعجبـت انـا فيـه
وحطيته على دربي نبراسـآ أمشيبـه
لي الله والناس بين مرجـي وراجيـه
وش حيلة الراجي غير يتبع المرجيبـه
وكل واحد شيخ روحه ورايه يبديـه
ولا عليه من اللي يزعل واللي يرضيبه
وانا هـذا رايـي وبحطـه وبعليـه
وبخلي رايـي كـل البشـر تدريبـه
ومـن راح بكيفـه وكيفـه يوديـه
ومن جاء على كيفـه وكيفـه يجيبـه
ويا قلب لا يغـرك الحـب ومعانيـه
كم واحدآ من الحـب عنـو طبيبـه
جابو المـداوي لـه يمكـن يداويـه
لكن وش عسـى الدكاتـره تسويبـه
ولا ياعيـن ماكـل اللـي تشوفيـه
ودنـا بـه والا ودنـا نلتقـي بـه
كم واحد(ن) لا غاب غابت معانيـه
لا قلب يذكره ولا لسـان يطريبـه
وكم واحد(ن) لا غاب لابد مبكيـه
تضيق علـي الوسيعـه مـن مغيبـه
احدن من غلاه مدري ويـن اوديـه
واحدن غـلاه لايـودي ولا يجيبـه
واحدن غلاه ما بالبشر من يساويـه
واحدن ألعن الوقت اللي يذكرنيبـه
وهيـه ياللـي اقفـى وزاد بتغليـه
وش جاب الزعل لك وش تبي بـه..؟
يزعل ويرجـع ويـزود فالمشاريـه
ومرتن ماسوى شيء ومرن انا طبيبه..!
هو يقفي ويحسب اني اليا اقفى بناديه
ويقبل ويحسب اني بـزود فترحيبـه
لا والله من ارخصني مانـي بشاريـه
الا جعل الطريق اللي يقفـي يوديبـه
وانـا هـذا رايـي ولانـي بثنيـه
ولا علي من اللي يزعل واللي يرضيبه
مـن راح بكيفـه وكيفـه يوديـه
خله علـى كيفـه وكيفـه يسريبـه
ممــآآآ راقــ لـــي..
